زى ما اتعرفنا فى الدرس اللى فات على رؤية مصر 2030 والأهداف اللى المفروض نحققها عشان التنمية المستدامة عبر الزمن، تعالى نشوف مع بعض ازاى نقدر نلبى الاحتياجات الكتير فى ضوء محدودية الموارد يعنى ازاى نعمل استغلال أمثل لموارد الدولة عشان نحقق الرؤية والأهداف دى ونحقق العدالة الاقتصادية والاجتماعية، من غير ما نعمل عبء إضافى على الأجيال المستقبلية.
الدولة بدأت من 2016 تشتغل على الاستغلال الامثل للموارد عن طريق حاجه اسمها (ضبط الانفاق والعدالة في الانفاق) وهي اننا نعيد توجيه الانفاق على الفئات الاولي بالرعاية ونزود الانفاق على التعليم والصحة والحماية الاجتماعية ونقلل من الدعم على البنزين مثلا.
الاستدامة هى الاستمرارية فى تحقيق التنمية وأن الاستمرارية دى هى اللى هتضمن تلبية احتياجات الحاضر من غير ما نعمل عبء إضافى على الأجيال المستقبلية زي ما الفيديو دا بيوضح
وبعدين اعرض أسئلة على الطالب فيما يخص أهداف التنمية المستدامة اللى تم شرحها فى الدرس اللى فات عشان اوصل إلى أهمية التنسيق بين الأهداف الاقتصادية والبيئية والاجتماعية والربط بين التنمية والحد من التدهور البيئى وتغير المناخ (هدف الطاقة النظيفة)
عشان نحقق أى هدف لازم يكون فيه إطار حاكم وقواعد، ومن هنا نتنقل على مفهوم الحوكمة اللي هتتفرجوا علي اهم محاوره في الفيديو دا
فيديو عن أهمية الشفافية وانها أحد محاور رؤية مصر وازى الشفافية ساعدت على تحسن مستوى مصر فى مؤشر الشفافية العالمى
